Skredkurs med Fimbul Jostedal - Jotunheimen og Jostedal

Vinden og snøen byggjer i saman lag på lag snø av ulik kvalitet og styrke. Den største faren i vinterfjellet er snøskred, og statistikken syner at sjansen er liten om ein fyrst vert begreven. Kvar går skredene? I kva type snø og vær går skredene? Dette er spørsmål me vil prøve å få svar på i løpet av desse dagane. I tillegg vil me øve på kva me skal gjere om ein sjølv eller ein kamerat fyrst vert begreven av snø. Me avsluttar med ein tur for å trene dei momenta vi har lært.

Deltakarane skal gjennom kurset oppnå ei grunnleggjande forståing for snøskred, snøskredfare, vurdering av terreng og andre høve som påvirkar skredfara samt vegvalg i skredfarleg lende. Me gjev innføring i metodar for å undersøke snødekket og stabilitet. Etter kurset skal ein også meistre kameratredning ved snøskred. Me legg vekt på mykje tur og vegleiing på kurset. Jostedalskursa går over 3, eventuelt 5 dagar, mens skredkursa på Fondsbu går over ei helg, 2 dagar.

Oppmøte kvelden før med gjennomgang av program og introduksjon av vegleiarar og deltakarar.

Uttesting av rutsjblokk på skredkurs

Momentliste:

- Lendevurderingar.
- Snøkjennskap.
- Vær og vind.
- Orientering.
- Kameratredning.
- Sende / mottakarutstyr.
- Fyrstehjelp i fjellet.
- Turplanlegging.

Utstyr:

Varme kler til vintersbruk, inkludert varmt undertøy og regn og vindtett ytterbekledning.
Ski eller snøbrett og trug.
Skifelder.
Sende / mottakarutsyr om du har.
Dagstursekk omlag 30-50 liter.
Termos for dei som likar varm drikke i kulda.

Overnatting:

Sjå informasjon om hotellet på: www.jostedalhotel.no

Alpin skredkurs

På veg ned eit vårsnøskred.

Me vil for vinteren 2006 presentere eit nytt snøskredkurs. Namnet antyder at det vil leggje meir vekt på ferdsel i bratt lende. Alpinsnøskredkurs vil gå over 5 dagar og innehalde moment som snøbakketeknikk, skiteknikk i brattare lende og mykje øving på bruk av kameratredning. Me vil øve på taktisk køyring i heng med omsyn til disiplin og korleis belaste snødekke mindra. Både randonnee, telemarkski med plastsko kan nyttast.

Også klassiske spørsmål som;
Kvar går skredene?
I kva type snø og vær går skredene?
Korleis legge sporet for å unngå skred?
Dette er spørsmål me vil prøve å få svar på i løpet av desse dagane. Mykje av læringa er lagt opp til gjennom tur og erfaringsutveksling frå deltakarane. Me vil også nytte ein dag ved Sogn Skisenter for å få fleire høgdemeter med vurderingar med tanke på sporval nedover og skiteknikk.

Deltakarane skal gjennom kurset oppnå ei grunnleggjande forståing for snøskred, snøskredfare, vurdering av terreng og andre høve som påvirkar skredfara samt vegvalg i skredfarleg lende. Me gjev innføring i metodar for å undersøke snødekket og stabilitet.

Oppmøte kvelden før med gjennomgang av program og introduksjon av vegleiarar og deltakarar.

Uttesting av rutsjblokk på skredkurs