Topptur på den mest snøsikre plassen i landet, ski, laussnø, god mat og erfarne førarar,

Topptur på ski i Jostedalen er annleis enn andre stadar. Den mest snøsikre staden i Noreg for toppturentusiastar er nemleg Jostedalen. Store ord meinar kanskje du, men gje oss nokre dagar eller aller helst ei veke, så skal du få sjå og oppleve.
Stabile værforhold, mykje snø, god lokalkjennskap og mange forskjellige toppturar er kva me kan tilby. Med overnatting enten på Jostedal Hotell eller ved Jostedal Camping i nye, gode vinterhytter ligg fjelltoppane og ventar rundt oss. Avhengig av vær og vind vel me dei turane som gir oss den beste turopplevinga, både opp og ikkje minst ned. Her kan både dei som held telemarkstradisjon i hevd og dei som svergar til alpint turutstyr utfolde seg i urørd snø. Ja og for å ikkje gløyme dei med trug og snøbrett! Svært få av turane krev noko anmarsj før motbakkane byrjar. Ta kontakt for eit tilbod for 2009/2010.

Toppturhelg

Topptur har vorte synonymt med skiopplevelsar i god snø på flotte toppar. Vi inviterar til Jostedalen utvalde helger for ei helg med ski og toppturar, god mat og kjekke vinterkveldar. Her vil ein kunne treffe likesinna skifolk som er ute på eit lite eventyr ved den store breen. Vi set opp turar etter føre og tilhøve, og satsar på å finne den verkeleg gode snøen. Alternativa er mange, og nedkøyringane ennå fleire.
Alternativa for turar vert lagd fram kvelden før, så finn vi ut kva type tur vi vil ut på.

Det vert topptur både fredag, laurdag og søndag, men ein kan evt. velje vekk fredagen.

Vi anbefalar utstyr som er egna for nedkøyring, vere seg telemark, randonne eller snowboard og truger.

Vel møtt til toppturhelg i Jostedalen
vangsen

Aktuelle turmål:
- Vangsen, klassikaren her i dalen
- Lioksli, 1200 flotte høgdemeter

- Buskrednosi, enormt god plass for dei største svingane

- Bjønnstegfjellet, med innsikt over Josten

- Hemmelege turar..

Utstyr:
Varme kler til vintersbruk, inkludert varmt undertøy og vindtett ytterbekledning.
Egna ski
Skifeller.
Termos for dei som likar varm drikke i kulda.