Isklatrekurs og isklatring med Fimbul i Jostedalen. Kurs og Føring

Isklatrekurs i Jostedalen gjev variasjon i høve til ulike fossar og bekkar, i tillegg er det mogeleg å nytte breen om tilhøva skulle slå feil. Nytt og betre utstyr har auka interessa og stadig fleire tek del i moroa. Me arrangerar både 5 dagars og 2 dagars isklatrekurs. Med 5 dagar vil ein kunne få meir tid til trening på basisdugleik og verte meir komfortabel med is, slik at ein lettare kjem seg ut på tur etter kurset. Etter kursa er det muleg å utvide med 2 dagar kameratredning. I tillegg til isklatrekurs arrangerar me også føringsturar i Jostedal for dei som ikkje ynskjer eit heilt kurs, men har lyst prøve isklatring. For små grupper kan me arrangere topptauklatring på korte fossar. Her vil ein under kontrollerte høve kunne prøve seg på vertikalt vatn!

Me kan også arrangere kurs andre stader i Norge, som Rjukan eller Hemsedal etter avtale.

Oppmøte kvelden før med gjennomgang av program og introduksjon av vegleiarar og deltakarar.

isklatrekurs i Jostedal

Momentliste:

- Stegjarnsteknikk.
- Rørsleteknikk utan isøkser.
- Teknikkar med ei og to isøkser.
- Isbuldring.
- Setjing av skruar.
- Korleis lage toppfaufeste.
- Sikre på topptau.
- Sikre den som ledar.
- Standplass rutiner.
- Isvurderingar.
- Fleire taulengder.

Utstyr:
Varme kler til vintersbruk, inkludert varmt undertøy og regn- og vindtett ytterbekledning.
Kraftige fjellsko.
Stegjarn, isøkser og isskruar kan leigast.
Dagstursekk omlag 30-50 liter.
Termos for dei som likar varm drikke i kulda.

Dagsprogram	Kva	Korleis	Kvifor
Dag 1:	Stegjern og isøksteknikk. Sikringsteknikk ved topptauklatring. Rappellering.	Topptauklatring på tilrettelagt område. Med og utan øks.	Viktig med god teknikk frå starten av. Aukar tryggleiken
Dag 2:	Standplassrutinar. Taurop. Tur over fleire taulengder.	Klatre ein lengre foss. Trene på rutiner på standplassar.	Få erfaring med klatring over fleire taulengder. Gode rutiner
Dag 3:	Ledetrening. Rigging av standplassar. Rigging av rappellfester.	Med ekstra topptau- sikring. Eigne standplassar	Forbrede på eigne turar. Få trent under sikre forhold..
Dag 4	Miksklatring. Trene med stegjarn på klippe.	Topptau på klatrefelt som er tilrettelagt.	God trening til vinter- klatring på fjell.
Dag 5:	Kameratredning. Frigjering av standplass. Rigging av z-talje. Nedfiring med skada.	Få forståing av korleis redde på ein trygg måte.	Viktig å kunne litt kameratredning. Komme seg ut av stand- plass og hente hjelp.